Ti minutt med kvardagsluksus

Minuttane føre; klippe vekk ein utvekst på rabarbraen, vatne blomane som står utanfor døra, luke vekk vissne tulipanar (som farmor allerie har byrja på, og eg derfor må gjere ferdig).

(Burde ha; tatt ut av oppvaskemaskinen, rydda lekene som ligg strødd utover heile golvet, støvsuga, vaska badet, sett på ein maskin med klede, limt inn bilder sidan alt ligg klart på stovebordet...)

Bare tær kviler på ein kvit utestol, ei bok ligg open i fanget, augo er lukka og ansiktet tar til seg det som råd er av energi, d-vitamin og kanskje nokre frekner. Utanom fuglane som kvittrar er det heilt stilt. Eg kjenner eg er trøtt på ein god måte...

Minuttane etter; "berre sit du, eg badar og gir Lilly mat".