Bergen

Frå laurdag til sundag var me ein snartur i Bergen. Søskenbarnet til Stian skulle nemleg konfirmerast. Me fekk nokre fine dagar saman med familie som me ikkje ser så ofte no etter at me flytta frå Bergen. Kost og losji av øverste klasse! ;O)

Då me kom fram på laurdagen fekk me tid til ein liten bytur. Litt rart å gå i gatene. Dei er liksom litt "våre" samstundes som dei ikkje er det. Bergen kjem nok alltid til å vera ein stad me vender attende til med gode minner.

Me fekk nokre timar saman med Fru Sørensen og mann, det var veldig kjekt! Dei store jentene fekk seg ein tur ut til Stoff og Stil, medan Lilly måtte vera med gutane på mimretur. Eg skulle kjøpe stoff å sy puter av, men enda opp med ferdigsydde puter. Poenget som forsvant.... Eg blei så overvelda av alle dei fina fargane og fargekombinasjonane at eg ikkje klarte å bestemma meg. Klokka nærma seg stengetid og eg var litt frustrert over "vingle Petteren" i meg, då kom eg over denne korga med ferdigsydde puter, tidlegare utstillingsputer. Eg er veldig nøgd med fargane, men eg skal "personalisere" dei litt. Bilete kjem nok når dei er ferdige :O)

Ei god helg er over, og ei ny veke ligg føre oss. Vekedagar er ikkje så verst dei heller, Grey på skjermen og hekletøy i fanget ;O)

God mandagskveld!