Sol, is...og shopping

I dag har sola vore framme og gitt oss ein herleg dag. Eg har fått litt orden på soverommet og S har jobba ute, me har og hatt besøk av mormor/oldemor Sigrun.

Dagen byrja med ein pakke i posten. Det var skinntøflane Lilly har kjøpt seg for bursdagspengar. Og snakk om god timing, i går reiste ho seg opp etter bordet for første gong! Ho har reist seg opp på knærne ei stund, men i går tok ho altså siste steget. Eg bestilte tøflane på Løvebarna, og snakk om rask levering! Eg fekk mest ikkje tid til å vente på dei (i motsetnad til eit visst veggord som eg framleis ventar på.)

Fine rosa skinntøflar med gullkrone på.

Perfekt for små prinsesser som reiser seg og skal lære seg å gå.

Etter ein liten kvil gjekk eg og Lilly ut på tur. Målet for turen var å handle brød og mjølk. Enkelt og greit. Hadde det berre ikkje vore for alle fristelsane langs vegen. Utanfor døra til butikken står dei fine prinsane (blomster altså ;O). Forrige veke spurde eg etter lyserosa eller kvite, men det hadde dei ikkje. Men i dag, då hadde dei. Det hadde jo vore for dumt å ikkje kjøpe då, eller..,Jaja, glad og fornøgd vender eg vogna heimover, det var jo ikkje ei stor utskjeiing å kjøpe ein nydeleg blomst til 59 kroner.

På vegen heim går eg forbi ein klesbutikk. Eg går forbi, og eg snur. I utstillingsvindauget heng tre rutete tunikaer på ei snor, ein lysblå, ein mørkblå og ein rosa. Det skulle ikkje vore lov å lage så innbydande utstillingar! Eg fekk ein ekstra pose med heim...

Det er jo ikkje mogeleg å angre på desse kjøpa!

Og så hadde me besøk, veldig koselg, og me fekk innvia hagemøblane. Eg gler meg til mange timar rundt dette bordet.

God lørdagskveld!