Litt om meg...

Bilete eg likar frå Abbtrysagain

Eg har fått ei utfordring frå Duften av Erteblomster, nemleg å sei ti ting om meg sjølv. Og det var faktisk ei utfordring, det er ikkje så ofte ein sit og tenkjer slik om seg sjølv. Her er litt om meg:

akkurat no høyrer eg på Norah Jones

eg møtte mannen i mitt liv då eg var 17 år

eg drøymer om å få mitt eige drivhus

eg har vanskeleg for å sei kva som er favorittboka mi, men Saman er ein mindre aleine, Bienes hemmelige liv og Drageløparen har alle gitt meg gode leseopplevingar. No skal eg byrje på Den rettferdige av Helene Uri

når eg høyrer reggaemusikk eller songar som er reggaeinspirert (f. eks sommarsongen min, I'm yours av Jason Mraz) blir eg glad og får lyst til å dansa

ifølge S er eg ein livsnytar...

dersom me hadde levd i ei verd der ein ikkje trong tena pengar, ville eg hatt ein liten "butikk". I ein krok skulle ein kunne sitje og nyte kaffi/te og sjokoladekake med gode vener, i ein annan krok skulle det vere store mengder stoff, garn og anna materiale eg kunne lagd ting av

eg vel å tru at mørk sjokolade og valnøtter er sunt og kan nytast sjølv om ein ikkje skal eta snop på vekedagar....

eg har vore i Kenya og Uganda

eg blir veldig fort rørd, spesielt om det har med born eller kjærleik å gjere

No har eg delt litt om meg, og eg vel å sende utfordringa vidare til fem bloggerar. Det er heilt frivillig og heilt forståeleg om de lar vera :O)

Judith

Litt av mitt

Noralill

Morgenstemning

Familien Hegglid