Favorittar

For ei stund sidan hadde Judith eit par innlegg om sine favoritt ting, og Silje har hatt eit innlegg om bøker. Dette syntes eg var både kjekt og interessant å lese, og i det siste har eg tenkt litt på kva som er mine favorittar. Det er litt interessant, for det kan seie mykje om ein person.

Eg byrjar med mine favorittbøker. Det er litt vanskeleg for eg har lese mange gode bøker, og i øyeblikket har eg kanskje gløymt nokon og, men eg tok ein kikk i bokhylla og fann fram dei beste bøkene eg har lese no i seinare tid.

"Saman er ein mindre aleine" Anna Gavalda. Ei herleg fransk bok! Tjukk som ein murstein, men veldig lettlest.

"De beste blant oss" Helene Uri. Veit ikkje om det er norsklæraren i meg som fall for denne boka, eller om det er ein liten lengt attende til studielivet... Hendinga går føre seg i eit universitetsmiljø, nærmare bestemt insitutt for futuristisk lingvistikk. Eg fryda meg over å kjenna igjen ord frå norskstudiet. Men det går fint å lese den sjølv om ein ikkje er over middels interessert i norsk og ;O)

"Bienes hemmelige liv" Sue Monk Kidd. Det har blitt ei stund sidan eg las denne no, kanskje eg skal lese den på ny i sommar...For dette er ei varm, gul og lun bok. Slik kjende ihvertfall eg det då boka fanga meg. Eg hadde ei fantastisk leseoppleving, og kan anbefale den på det varmaste.

Eg kan jo ta med Lilly si favorittbok òg. Dette er faktisk favoritten blant alle leken for tida. Ho er ikkje særleg interessert i knappane som lagar dyrelydar, nei, ho blar. Blar og blar, att og fram :O)

Kva er di favorittbok?